सरकार र वर्कर्सबीच चारबुँदे सहमति
देबेन्द्र कार्की
धरान / पूर्वी पहाडी जिल्लामा सशस्त्र संघर्ष गदै आएको किरात जनवादी वर्कस पार्टी अव शान्तिपूर्ण रुपमा खुल्ला राजनीति गर्ने भएको छ । भोजपुरका केही राजनीतिक दलहरुको सहयोगमा सुक्रबार राजधानीमा सरकार र वर्कर्स वीच चार बुदे सहमति समेत भएको छ । सरकारका तर्फबाट वार्ताटोली सदस्य तथा प्रधानमन्त्री कार्यालयका मन्त्री घनश्याम भुषाल र वर्कसका तर्फबाट वार्ता टोली संयोजक सुमन वान्तवासहितको वार्ता भएको थियो । सशस्त्र संघर्षरत समूहसँग वार्ता र सम्बादबाट उनीहरुको राजनीतिक माग पुरा गरि शान्तिपूर्ण निकास ल्याउने नीतिलाई वर्कलले आत्मसाथ गरेको छ । वार्ता अवधिमा वर्कर्सले हतियार प्रर्दशन र हिंसात्मक गतिविधि त्यागेर खुल्ला रुपमा राजनीतिक माग अघि सार्ने वाता टोलीका संयोजक सुमन बान्तवाले ब्लाष्टलाई बताए ।
पहिलो चरणमा भएको वार्तामा वर्कसका कनुैपनि नेता कार्यकर्तालाई सरकारले वार्ता अवधिभर धरपकड नगर्ने वर्कसले पनि हतियार प्रदर्शन तथा सामाजिक शान्ति सुरक्षामा असर पुग्ने कुनै कार्य नगर्ने सहमति भएको छ ।वार्ता टोलीमा रहेका तर सरकारले पक्राउ गरेका वर्कर्सका केन्द्रीय सदस्य रविन किराती, सन्देश किराती र राज्य समिति सदस्य द्वय ध्रुव राई र भरुण राईलाई प्रकृया पूरा गरी रिहा गर्न सहमति भएको छ । २० दिन पछि पून अर्को वार्ता गर्ने र वर्कर्सले आफना राजनीतिक माग राख्ने सहमति भएको छ । सरकारले वर्कर्सका ७३ जना कार्यकताहरुलाई पक्राउ गरेको पनि बान्तवाले जानकारी दिए । उनीहरुका ेरिहाईबारे भने दोश्रो चरणका ेवार्ता पछि निर्णय हुने बताइएको छ ।
सरकारसँग आफ्ना राजनीतिक मुद्वाका विषयमा छलफल गरि शान्तिपूर्ण राजनीतिमा आउन वार्ता गरिएको बान्तवाले बताए । उनले भने – ‘हामी अन्तरिम संविधान स्वीकार गरि खुल्ला राजनीतिक गर्न चाहन्छौ ।’– टेलिफोनमा बान्तवाले भने–‘राज्यले हाम्रा सामान्य मागलाई सम्बोधन गरे शान्तिपुर्ण राजनीतिमा आउछौ ।’ राज्यले सकरात्मक संकेत दिएको छ । सम्बादको प्रकृया पनि सुरु भएको उनले बताए ।
वर्कसले गत २०६५ माघ ५ गते र ०६६ कार्तिक २७ गर्ते वर्कससँग वार्ता गरेको थियो । तर उनीहरुवीच भएको सहमति दुवै तर्फबाट कार्यन्वयन हुन सकेको थिएन । सुक्रबारबाट सुरु भएको वार्तामा वर्कर्सले १५ वटा क्षेत्रीय मुद्वाहरुलाई अघि सारेको छ । ती मध्य राज्य पुनसंरचना आयोग गठन गर्दा वर्कर्सको तर्फबाट एक प्रतिनीधिका ेव्यवस्था गर्न माग गरेको छ ।
यस्तै भाषा भाषी आयोग गठन गर्नु पर्ने र त्यस आयोगको अध्यक्ष वर्कर्सका नेतालाई बनाउनु पर्ने माग वार्तामा मुख्य मुद्वाका रुपमा उठाईने बान्तवाले बताएका छन् । उनले भने राज्यले यि दुई वटा हाम्रा मागलाई सुनुवाई ग¥यो भने अरु मुद्वा हामी छाड्न सक्छौ ।’ भाषा भाषी आयोगको विषयमा पार्टीले अवधारण पत्र समेत तयार गरिसकेको उनले जनाए ।
आन्तरिक विवादले दुई टुक्रा भएको वर्कस गत २०६८ बैशाखमा एकिकृत भई संगठित रुपमा सरकारसँग आफ्ना राजनीतिक माग प्रस्तुत गर्न लागिएको पार्टीले जनाएको छ । यस अघि विवस विद्रोही र साल्पा किरातीको नेतृत्वमा छुट्टाछुट्टै पार्टी थियो । हाल साल्पा किरातीकै नेतृत्वमा एकिकरण गरिएको उनले दावी गरेका छन् । उपाध्यक्षमा विवस विद्रोही पक्षका साङ्केन किराती उपाध्यक्ष रहेका छन् । यता विवश विद्रोहीलाई प्रहरीले कारवाही गरेको सरकारले सार्वजनिक गरे पछि विद्रोहीका जेठा दाजू एलम्बर किराती(अनन्त क्रान्ति)ले भने वर्कर्स पार्टी आफ्नो नेतृत्वमा कायम रहेको दावी गर्दै आएका छन् ।
No comments:
Post a Comment